Веруваме дека нема да го прескокнеш овој текст бидејќи ќе зборуваме за работилница (Lightning Decision Jam) која можеш да ја користиш за СКОРО СÈ, вклучувајќи неколку луѓе за дефинирање и решавање предизвици.

Алатката направи бум и е применувана од светски компании како LEGO за нови стратегиски иницијативи, UN World Food Program за како да ги зголеми донациите… дури и ние во Networker ја употребивме за да постигнеме покоординирана работа од дома.

ЗОШТО LDJ?

Креативно решавање на проблеми и јасно одлучување е она што ги извдвојува најдобрите менаџери, дизајнери и други профили од останатите.

Кај работи кои бараат критичко и креативно размислување лесно се губи фокус и се завршува во бескорисни, отворени, неструктурирани дискусии. Проектите стојат во мирување, тимовите ја губат динамиката и се оди над предвидениот буџет. Ова придонесува многу производи и услуги да доцнат и да се полни со компромиси заради тоа што тимот со тек на време се заморува од бескрајни, неориентирани проблеми.

Решение:
Замени ги отворените, неструктуритани дискусии со јасен процес.

На почеток може да изгледа чудно, но единствен начин да ги видите резултатите е да пробате LDJ на самите себе. Слободата на дискутирање може да изгледа корисна за креативноста и за поинформирано носење одлуки, но ќе воочите дека всушност таа е непријател за добар бизнис.

Заклучок:
Структураноста и организираноста се клучни за заеднички успех.

Можеш да ги скратиш неструктурираните состаноци со помош на LDJ. За помалку од два часа, твојот тим ќе може да дефинира важни предизвици, да идентификува можни решенија и да приоритизира што да се извршува без скоро никаква дискусија!

Ние користиме LDJ за да елиминираме отворени дискуси за речиси се што правиме во Networker. Од подобрување на нашето канцалариско работење, дизајн на нови продукти, до подобрување на работењето од дома во овој период. Како што спомнавме претходно, структурирано решавање на проблеми е јадрото во работењето, применете ja LDJ и пресечете ги сите бескорисни, демотивирачки дискусии кои предизвикуваат замор.